ClikReply: تجربة العملاء وخدمة ما بعد الزيارة في الكويت
ClikReply شركة كويتية متخصصة بتجربة العملاء وخدمة ما بعد الزيارة. نهتم بعملائكم بعد ما يطلعون منكم، عشان يتذكرونكم، ويرجعون لكم، ويكتبون لكم تقييم، ويتكلمون عنكم حق ربعهم.
منو احنا
ClikReply (كليك ريبلاي) خدمة كويتية من شركة كليك. شعارنا «تجربة العملاء للأعمال»، وهدفنا بسيط: «حولوا كل زيارة لنمو».
أغلب المحلات تهتم بالعميل واهو عندها، الخدمة والنظافة والاستقبال. بس أول ما يطلع من الباب محد يتذكره، واهو بعد ينسى. هني دورنا يبدي.
شنو نسوي حق محلكم
نخلي كل عميل يحس إن زيارته كانت مهمة لكم وإنكم فعلاً تعرفونه، بعد ما يطلع منكم بالوقت الصح.
والنتيجة: تقييمات أكثر وأجدد، نجوم أعلى، ظهور أقوى لما أحد يدور عليكم، عملاء يرجعون مرة ثانية، وكلام حلو عنكم بين الناس.
والرابط اللي يوصل عميلكم يودي وين ما تبون: تقييم، الانستقرام، صفحة الحجز، المنيو، أو موقعكم.
وعندنا إضافات اختيارية: بطاقة أختام في تلفون عميلكم، كل زيارة ختم وبعدها مكافأة منكم، وتهنئة بيوم ميلاده مع هدية.
وأنتوا ما عليكم شي تقريباً، الباجي علينا.
ليش التقييمات مهمة
التقييمات اهي أول شي يشوفه العميل الجديد قبل لا يجيكم. لما أحد يدور على صالون أو عيادة قريبة منه، يقارن بين المحلات، واللي عنده تقييمات أكثر وأجدد يطلع فوق ويثقون فيه أكثر.
المشكلة إن العميل المستانس عادةً ما يكتب تقييم، مو لأنه ما يبي، بس لأنه ينسى أو محد طلب منه.
حق منو ClikReply
- الصالونات النسائية
- الحلاقين والصالونات الرجالية
- عيادات التجميل والجلدية
- عيادات الأسنان
- السبا والمساج
- مراكز الليزر
- مراكز الأظافر
- مغاسل السيارات
- الكافيهات والمطاعم
- محلات العطور
- النوادي الرياضية
- استوديوهات التصوير
- محلات الورد
- أي محل يخدم العميل وجهاً لوجه
وين نشتغل
نشتغل مع المحلات بكل الكويت، ومنها:
- مدينة الكويت
- حولي
- السالمية
- الجابرية
- الرميثية
- الشعب
- الفروانية
- خيطان
- الأحمدي
- الفحيحيل
- المنقف
- الجهراء
- مبارك الكبير
- صباح السالم
- العدان
- الشويخ
- الري
- صباح الأحمد
نساعدكم في
- زيادة تقييمات المحل
- تحسين تجربة العملاء
- خدمة ما بعد البيع وما بعد الزيارة
- رجوع العملاء وولائهم
- متابعين أكثر على الانستقرام
- بطاقة أختام وولاء
- تهنئة العملاء بعيد ميلادهم
- رضا العملاء
- سمعة المحل وصورته
- الكلام الحلو بين الناس عن محلكم
- اهتمام بكل عميل بعد الزيارة
أسئلة شائعة
شنو هي ClikReply؟
ClikReply شركة كويتية متخصصة بتجربة العملاء وخدمة ما بعد الزيارة. نهتم بعملاء المحلات بعد ما يطلعون، عشان يرجعون ويكتبون تقييم ويتكلمون عن المحل.
شلون أزيد تقييمات محلي في الكويت؟
أسهل طريقة إنكم تذكرون العميل المستانس بالوقت الصح، واهو لي الحين متذكر زيارته. وهذا اللي يسويه ClikReply حق محلكم، بدون ما تتعبون.
ClikReply بس حق التقييمات؟
لا. الرابط يودي وين ما تبون: تقييم، الانستقرام، صفحة الحجز، المنيو، أو موقعكم. وعندنا إضافات مثل بطاقة الأختام في تلفون العميل، وتهنئته بعيد ميلاده مع هدية.
شنو يعني خدمة ما بعد الزيارة؟
يعني الاهتمام بالعميل بعد ما يطلع من محلكم، مو بس واهو عندكم. اهي اللي تخليه يحس إنه مهم لكم، فيتذكركم ويرجع لكم.
ليش العميل المستانس ما يكتب تقييم؟
عادةً مو لأنه ما يبي، بس لأنه ينسى أو محد طلب منه. التذكير الحلو بالوقت الصح يفرق وايد.
محلي صغير، يناسبني ClikReply؟
إي أكيد، وبالعكس، المحل الصغير يستفيد وايد لأن كل عميل يفرق معاه. وعندنا باقات تناسب المحل الصغير والكبير.
يشتغل بالعربي والإنجليزي؟
إي، نتعامل مع كل عميل بلغته، بالعربي أو بالإنجليزي.
وين تشتغلون؟
بكل مناطق الكويت، مع الصالونات والعيادات والسبا والمغاسل والكافيهات، وأي محل يخدم العميل وجهاً لوجه.
تضمنون عدد معين من التقييمات؟
لا. التقييم قرار العميل وحده، واحنا نساعدكم إن العملاء المستانسين يتذكرون يكتبون لكم.
شنو الفرق بين ClikReply والإعلانات؟
الإعلان يجيب ناس جدد، وClikReply يهتم بالعملاء اللي جوكم فعلاً، عشان يرجعون ويجيبون غيرهم. والعميل الجديد يصدق كلام العملاء أكثر من أي إعلان.
جم السعر؟ وشلون أبدي؟
عندنا باقات شهرية تناسب كل محل. حق الأسعار أو عشان نبدي معاكم، تواصلوا معانا على الواتساب أو على الانستقرام.
تواصلوا معانا
حق الأسعار، أو عشان نبدي معاكم، أو أي سؤال: